Arabcamfrog

منتدى الكام فروج العربى
 
الرئيسيةالرئيسية  اليوميةاليومية  مكتبة الصورمكتبة الصور  س .و .جس .و .ج  بحـثبحـث  التسجيلالتسجيل  قائمة الاعضاءقائمة الاعضاء  المجموعاتالمجموعات  دخول  

شاطر | 
 

 كى جى ون للأسف

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
oO_SAGDA_Oo



عدد الرسائل : 119
العمر : 29
تاريخ التسجيل : 09/06/2007

مُساهمةموضوع: كى جى ون للأسف   السبت يونيو 09, 2007 9:36 am




معقول الكلام ده؟؟
تفتكروا ان فيه ناس انهارده لسة كى جى وان فى مفهومها لعقيدتنا؟؟؟
أيوا أكيد
شوف معايا حديث [color=#9acd32]النبى صلى الله عليه و سلم :
( من قال لا إله إلا الله مخلصا دخل الجنة )
ايه ده
طيب وهو ليه قال مخلصا
أيوااااااا
هنا بقى مربط الفرس
أصلك انهارده سهل جدا تلاقى واحد ييجى و يقوللك انا بقول لا إله إلا الله
بتقولها متأكد؟
طيب بتصلى يا عم الحج ؟
يقوللك ولا بركعها
طيب زوجتك و بناتك محجبات؟
يقوللك ولا هغطيهم
آآآآآآآآآآآآآآآآآآآآه
يبقى الفيصل هنا هيبقى ازاى؟؟
شوف بقى
احنا عندنا ف علم التوحيد حاجة اسمها
توحيد الألوهية ،، و حاجة اسمها توحيد الربوبية
توحيد الربوبية ده اللى هو انك تقر بإن ربنا سبحانه و تعالى هو الخالق و الرازق و المهيمن
و ده ثق تمام الثقة انه لوحده مش هينفعك بأى حاجة فى الآخرة
ايه ده؟
توحيد الربوبية و ماينفعنيش بحاجة؟
آه تصدق؟؟
لأن إبليس أساسا أقر بيه ...شوف أواخر سورة ( ص )
( قال يا إبليس مامنعك أن تسجد لما خلقت بيدىّ أستكبرت أم كنت من العالين قال أنا خير منه خلقتنى من نار و خلقته من طين
)
خلقتنى ؟؟؟؟؟؟؟؟؟؟؟
ده على كده إبليس مقر و معترف ان ربنا هو اللى خلقه
يعنى على كده ابليس أسلم ولا ايه؟؟؟؟؟؟؟؟
لااااااااااااا خد بالك
هنا بقى الفيصل
اللى هو توحيد الألوهية
يعنى تقر بإن ربنا إله
طيب ايه معنى إله؟؟؟
إله يعنى معبود
يعنى مطاع
يعنى يتسمع كلامه
طيب هل ممكن اكون مقر بإن ربنا يتسمع كلامه وأنا مابسمعهوش؟؟؟
أو اقول انه معبود و انا لا أعبده كما أمرنى؟
طبعا لأ
ولذلك طرد إبليس لأنه لم يطع الله
و تخيل انت لنه رفض يسجد لآدم وهو بشر سجود تحية فطرد من الجنة
فما بالك بمن رفض السجود لرب العزة سجود عبادة؟؟؟؟؟؟؟؟؟؟؟؟؟
يبقى اتفقنا على انك لازم تيجى بالتنين : توحيد الربوبية و توحيد الألوهية
بحيث يشتمل الإسلام على كل ذرة ف حياتك
مش انهارده مثلا تلاقى واحد بيزوج بنته مثلا
يقوموا فى البداية وقت عقد القران : قول ورايا ياعم الحج
-زوجتك ابنتى
-زوجتك ابنتى
- على كتاب الله
-على كتاب الله
-و سنة رسوله
-و سنة رسوله
- و على مذهب الإمام أبى حنيفة النعمان
- و على المذاهب كلها لو تحب انا معاك للصبح
و أول مايخلصوا يدوبك العقد تسمع المهازل بقى:
ها ؟ ظبطوا مع الفرقة؟
طيب و الرقاصة فاضية ولا نغير معاد الفرح
و تلاقى ناس ماسكة سِبَح و منهم اللى بيقولوا له يا حج و آل راسم على باب بيته طيارة و سفينة آل يعنى علامة الجودة انه حج يعنى
فتلاقيه واقف فى الفرح على مقربة من الرقاصة بيتفرج
يقوللك رقصها حلو بالصلاة عالنبى
نبى مين اللى بيصلى عليه ده؟
سيدنا محمد؟؟
أعوذ بالله
لا و اللى يفرسك انه خلاص بعد مالفرح يخلص و يتفض المولد و بيشطبوا و كله مشى
يروح طالع باصص كده على المسرح و يقوللك : إسكت يا أخى دى كانت مسخرة و قلة أدب
يا راجل؟؟
دلوقتى بس بقت مسخرة و قلة أدب؟؟؟؟؟
بالظبط زى التليفزيون اللى بيبدأ بالقرآن و يختم بالقرآن
و بين القرآنين
رقص و قلة أدب
يبىق يا جماعة علتنا اننا للأسف بينا ناس بلغت من السن مابلغت و مع ذلك بتجهل معنى لا إله إلا الله
وظيفتنا اننا ندعوهم إلى الله امتثالا لقول الله [color:9c21=#9acd32:9c21]تعالى ( كنتم خير أمة أخرجت للناس تأمرون بالمعروف و تنهون عن المنكر و تؤمنون بالله
و لحديث النبى صلى الله عليه و سلم : ( بلغوا عنى ولو آية )
مش كده برضه؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://camfrogarab.1talk.net/index.htm
ebn_elbalaad



عدد الرسائل : 103
العمر : 41
تاريخ التسجيل : 09/06/2007

مُساهمةموضوع: رد: كى جى ون للأسف   الأحد يونيو 10, 2007 6:33 am

الله اكبر عليكى
ربنا يكرمك ويعزك يارب
ابن البلد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.alkashef.net
Wa7iD



عدد الرسائل : 118
تاريخ التسجيل : 07/06/2007

مُساهمةموضوع: رد: كى جى ون للأسف   الأحد يونيو 10, 2007 6:51 am

ربنا يكرمك يا رب ويعزك يا ساجدة وبجد نايس موضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
oO_SAGDA_Oo



عدد الرسائل : 119
العمر : 29
تاريخ التسجيل : 09/06/2007

مُساهمةموضوع: رد: كى جى ون للأسف   الأحد يونيو 10, 2007 3:09 pm

بارك الله فيكم علي المرور وجعله الله في ميزان حسناتنا جميعا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://camfrogarab.1talk.net/index.htm
 
كى جى ون للأسف
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Arabcamfrog :: المنتدى الاسلامى-
انتقل الى: