السلام عليكم ورحمه الله وبركاته
انهارده هتكلم بطريقه جديده خالص مش هتاكلم عن واحد بس لان الى هتكلم عليهم دول اكتر من خمس اشخاص بس على قلب واحد وروح واحده بيختلفوا كتير ويخانقوا كتير بس بيسامحوا اكتر وبيخلصوا اكتر
الافراد هما
1: احمد عبد الحليم او مستشار الحب
2: هشام فوزى او حازم الشناوى
3: مصطفى كامل رياض او ابن الباشا
4:كريم مصطفى موسى او دريم ليف
5: احمد جمال او بيوتى
6:محمد فاروق او نو لف ان زيس ليف
هنتكلم عنهم واحد واحد
احمد مستشار الحب
شاب راجل بمعنى الكلمه متربى ومتعلم ومثقف ويعرف معنى الصداقه بجد هو اه عنيد شويه بس شخصيته قويه جدا والنوع ده قليل جدا تلاقيه فى الزمن ده واحلى حاجة فيه اننا من يوم ما اتصاحبنا وبقينا شله كده هو الوحيد الى عمره ما غلط فى حق حد كلنا بلا استثناء غلطنا فيه لو ظنينا فيه اوقات واتصرعنا فى حكمنا بس هو بيرجع فى الاخر يتسامح لانه بجد انسان
2: الثانى حازم الشناوى
الى هو انا طبعا مش هتكلم عن نفسى كتير لان مفيش انسان بيقول على نفسه وحش بس انا انهارده هتكلم بكل صراحه
والله انا انسان بسيط جدا تعليمى متوسط والله العظيم انا طيب اوى والى فى قلبى على لسانى اه منكرش انى احيانا بتسرع فى الحكم وبقول كلام يزعل الى قدامى بس مبكنش اقصد لان ده طبعى بس واللله قلبى ابيض اوى ومش بشيل من حد
3:الثالت مصطفى ابن الباشا
مش هقول عنه غير انه اخويا انا وهو متربيين سوا انسان غايه فى خفه الدم وبيلاقى قبول غير عادى من اى انسان يتعرف عليه ويكلمه لاول مرة والله يا جماعه الى يقعد معاه ويشوفه هيحبه اكتر ربنا ما يحرمنا منك ولا من خفه دمك يا درش
4:الرابع كريم مصطفى او دريم ليف
كريم ده بقى يا جماعه والله لو حبيت اجيب كلام عشان اوصف طيبه الانسان ده وصفائه وطيابته ما هلاقي كلام يوصفها طيب جدا جدع لابعد الحدود بيحب اصحابه اوى بيعرف معنى الصداقه بجد مش هقولكم اكتر من كده غير انه بجد لو مليش اخوات اتمنى يكون اخويا زيه كده
5:احمد جمال او بيوتى
الواد احمد بيوتى ده واد زى السكر امور اوى روش اوى دمه زى العسل وقت ما تحتاجه تلاقيه تحتاجه فى فرح تلاقيه اول ما يجامل فى الشده بردو راجل بمعنى الكلمه اينعم هو بيلعب جيم وعلى طول ماشى فارد صدره فى الشارع بس والله راجل بمعنى الكلمه والله بحبه اوى
6:السادس محمد فاروق او نو لف
محمد ده بقى طيب اوى وحنين اوى وجدع اوى بس فيه عيب واحد مش عاجبنى ومش عاجب باقى افراض الشله بس مينفعش اقوله بس والله محمد كويس جدا جدا وانا بحبه اوى وبحترمه وربنا ما يحرمنا من بعض يا اغلى محمد
طبعا خلصت كلامى عن شلتنا ومش لاقيلها اسم غير اخوات للابد
ربنا ما يحرمنا من بعض وصدقونى يا جماعه احنا اخوات ومهما يحصل بينا مش هنفترق ابدا
والمجموعه دى يوم ما حد منهم بيزعلنى او انا بزعل حد منهم ورحمه ابويا ما بيجيلى نوم وببكى عشان زعلت حد منهم
يارب مكنش تقلت عليكم
اخوكم حازم وحشتونى يا عياااااااااااااال اوى اوى اوى اوى وربنا
الرئيسية 
